| Debatt
Streiken set den kristne skulen i eit grelt lys
TILLIT: I den norske modellen står tariffavtalane sentralt for å skape tillit og redusere konfliktar.
Odd Mehus
Både norsk lov og internasjonale menneskerettar anerkjenner foreldres rett til å sikre opplæring i samsvar med si eiga religiøse og filosofiske overtyding. Dette er ei viktig grunngjeving for at Noreg opnar for livssynsbaserte skular, mellom anna kristne skular.
Kristne skular kan òg sjåast som ein del av den norske fellesskulen, slik Fellesskuleutvalet har slått fast i rapporten sin.
Norsk lov stiller ikkje krav om tariffavtale i kristne skular. Samstundes slår privatskulelova fast at lønns- og arbeidsvilkåra skal vere like gode i private skular som i offentlege skular (§ 4-4), og dette er ein viktig føresetnad for det offentlege tilskotet skulane får.
