Slik kan ein vere misjonær der ein er

Kor ofte snakkar vi eigentleg om tru på jobb? I eit sekularisert Noreg er det lett å bli taus som ein østers.

Ein vil jo ikkje prakke meiningane sine på andre, ikkje sant? Og ein vil i alle fall unngå å tape ansikt og sjølv bli gjort til latter, eller gjenstand for sladder.

Så held vi fram med å uroe oss over at den kristne trua taper terreng. At talet på døypte og konfirmerte går ned. At færre går til kyrkje og færre trur. Og at det veks opp ein generasjon med minimal kunnskap om kristen tru.