Skulen skal ikkje sortere barn

Altfor mange elevar fell utanfor. Om lag ein tredel går ut av grunnskulen utan grunnleggjande ferdigheiter i lesing og rekning. Det er ikkje berre eit tal. Det er barn og unge som får dårlegare moglegheiter vidare i livet.

Dette skjer ikkje av seg sjølv. Det er resultat av politiske val.

Debatten om skulen handlar ofte om disiplin eller pengar. Begge delar er viktige, men ingen av delane løyser problema åleine. Barn kjem til skulen med ulike føresetnader. Nokre treng meir støtte, fleire vaksne rundt seg og tettare oppfølging.