Sjuande oktober som sivilisatorisk sjekkpunkt

Dei aller færraste av oss her i Noreg har prøvd å ha verkelege fiendar. 

Vel har dei fleste erfaringar med å kniva med nokon om ein jobb eller ulike gode. Mange opplever at familierelasjonar slår over i fiendskaplege former når arv skal fordelast. Statistikken syner at vi her til lands også kan det der med nabokrangel og tvistar i rettsvesenet. 

Men av dette er mykje passivt-aggressivt heller enn direkte farleg, ubehageleg snarare enn skummelt. Heldigvis er botnlinja stort sett kjip heller enn kriminell.