Sjå til Canada

Skodda ligg tjukk over land og folk. Over skodda er det mørke uværskyer. Det varer og det varer. Det går innpå folk. Virkekrafta blir redusert og vi søker til dei nære, enkle arbeidsoppgåvene som gjeld meg og mitt. 

Så kjem nyhenda frå Davos. Den kjem som sola som bryt gjennom skylaget og et opp tåka. Den er som eit håp om starten på noko nytt. Eg høyrer talen til Canada sin statsminister Mark Carney, på årsmøte til Verdas økonomiske forum, 20. januar 2026. 

Carney snakka om brotet i verdsordenen – «slutten på en pen historie og starten på ein brutal virkelighet». Han snakka om maktutøvinga mellom stormakta som ikkje lenger er underlagt avgrensingar. Canada – som ein mellomakt, appellerte til alliansar med mindre land. Dei mindre mektige lands makt, startar med ærlegdom, sa Carney.