Rom for djervare kristen formidling framover?

Tidlegare i sommar fortalde statsminister Jonas Gahr Støre at eitt av tipsa hans til sommarlektyre var ei bok av den svenske pastoren og forfattaren Thomas Sjödin. 

Midt i Støres litt føreseielege bokliste dukka pinsepastorens vesle bok «Mens du hviler» opp. Boka er ifølgje forlaget «en hyllest til slagbenken» og blir skildra som «en oppdagelsesreise i hvilens idéhistorie». Slik sett er ho absolutt så allmenn som ho får blitt. 

I Kristen-Norge er Thomas Sjödin eit kjent og høgt skatta namn. Blant lesande kristne her heime skal det truleg godt gjerast å finna folk som ikkje har vore borti ei av dei 15 bøkene hans.