Regimeskifte på Madagaskar gir nytt håp

Det skjer eit regimeskifte på Madagaskar. Landet i det indiske havet har dei siste tiåra falle stadig djupare ned i fattigdom og elendighet. Nasjonen, som i dag har 30-32 millionar innbyggarar, skårar dårleg på alle statistikkar bortsett frå korrupsjon og fattigdom, der den tronar blant dei alle øverste. Men enn 75 prosent av folket lever under FNs fattigdomsgrense.

I fleire månader har det ulma, og sidan 25. september har det vore store protestar. Desse har rot i det ein kallar generasjon Z, og utløysande faktorar har vore mangel på straum og vatn i dei store byane. Men under ligg ei djup misnøye med regimet til president Andry Rajoelina.

Dei fredelege protestane er blitt møtt av tåregass og gummikuler. Deretter med gradvise innrømmingar fram til regimets fall: Ministrar blei fjerna, regjeringa blei avsett. Presidenten har rømt landet, og blei frakta til Dubai i eit fransk militærfly.