| Leder
Provoserande. Frimodig. Kristen.
Casper Christensens refleksjonar om å følgja Jesus i eit såkalla kristent land er råkande.
KOMIKER: Casper Christensens er en kjent komiker i Danmark – nå gjør han seg også kjent med sine refleksjoner om å følge Jesus.
Mads Claus Rasmussen/Ritzau Scanpix
«Vi bur i eit land som på papiret er kristent. Vi betalar kyrkjeskatt. Det er kyrkjer overalt. Men går eg ut og seier ordet Jesus, og at eg trur på dette, at det har skjedd, på det med oppstoda og Gud, så blir det så konkret. Då blir folk redde. Eller sinte (...)»
Sitatet er henta frå eit samtaleprogram der den danske komikarstjerna Casper Christensen set seg ned og fortel om trua og livet til programleiar og venstrepolitikar Jens Nicolaj Vejlgaard.
Som vi i Dagen har skrive om tidlegare, vart Christensen, kjend mellom anna frå kult-serien «Klovn», radikalt omvendt og kom til tru på Jesus frå eit liv i såkalla sus og dus.
