| Kommentar
Olav Fykse Tveit og kyrkja sin selektive aktivisme
Kyrkja er aktivistisk når det passar. Dermed legg ein ekstra godt merke til det når ho vik unna.
SØKELYS: Biskopane sin leiar er tidvis god på tydeleg tale.
Kai Flatekvål
I avisa Dag og Tid har det den siste tida gått ein debatt der Eivor A. Oftestad har stilt høgst betimelege spørsmål om kor folkekyrkjebiskopane står i dag når det gjeld abort.
Professoren utfordrar på spørsmålet om fosterets rettsvern. Ho problematiserer det synet som ved WHOs hjelp er i ferd med å festa seg, at abort utelukkande er blitt eit spørsmål om kvinnehelse. Også det grunnleggjande spørsmålet om lovgivinga si forplikting på å verna menneskeliv kjem på banen i hennar historiske tilbakeblikk.
Responsen ho får, fortel om ei kyrkje med låge ambisjonar om å vera eit korrektiv når staten mistar det grunnleggjande menneskeverdet av syne.
