NRKs A-laget: Inkluderings-TV på tøff bakgrunn

Rundt nyttår er det tid for store og nyskapande produksjonar frå rikskringkastaren, og dette årsskiftet er ikkje noko unnatak. 

Nyleg var det premiere på A-laget, eit konsept der kjende personar vert utsette for nærgåande, ærlege og svært varierte spørsmål frå folk som har det NRK kallar «funksjonsvariasjonar». 

I første episode var det statsminister Jonas Gahr Støre som fekk brynt seg på spørsmål av alle slag, om rikdom og reglar, nakenbading og neglelakk, Fleksnes og favorittmat.