| Kommentar
Norsk debattklima får stryk av svensk stjerneteolog
Kyrkjehistorikar Joel Halldorf stemplar det å målbera tradisjonell samlivsteologi som «total mangel på pastoral omsorg».
KRITISK: Joel Halldorf har ein vid lesarkrins både i Sverige og her til lands. Han er sterkt kritisk til norsk kristenlivsdebatt.
Zandra Erikshed
Av lesarane sine, krev kyrkjehistorikar og debattant Joel Halldorf at dei les han svært nøye og grundig. Sjølv skriv han som om Forsynet har skjenka han eit unikt fripass til å måla med brei pensel om norsk kristenliv.
Halldorf-debatten, som vi her i Dagen har kommentert tidlegare, har utvikla seg i ein både nedslåande og fascinerande retning.
For dei som ikkje har fått med seg bakgrunnen, er det berre å lesa seg opp på vitrök.substack.com. Her skriv produktive Halldorf utfyllande om eigne perspektiv på mange tema.
