No brukar Putin svolt og kulde som våpen

2022 var året då det utenkjelege skjedde. Difor går vi inn i 2023 med eit stort alvor.

Vi startar det nye året med ei dirrande uvisse. For vi veit ikkje korleis angrepskrigen president Vladimir Putin starta, vil ende. Kor omfattande den blir. Kor lenge den vil vare. Kva som vidare vil skje med Ukraina. Og korleis den kjem til å påverke oss alle.

Det vi uansett veit, er at medan Europa feira jul og nyttår, vart grannefolket vårt i aust påført endå større liding. Medan vi sat i varme, julepynta stover, måtte ukrainarar stadig søkje tilflukt i kjellarar og bomberom. Mange sat i mørke. Mange fraus. Mange hadde altfor lite mat og vatn.