| Debatt
NHO med ny EU-taktikk
JA ELLER NEI: I denne boksen kunne deltakere på NHOs årskonferanse på Nova Spektrum i Lillestrøm i januar, stemme over om Norge bør bli med i EU.
Heiko Junge / NTB
Næringslivets Hovedorganisasjon, NHO, er no klar med ny taktikk; få vekk EØS og styra oss inn i EU-medlemskap. Det blir ikkje enkelt.
Planen byggjer på ei utbreidd mistyding; at vi ikkje får handla med EU-landa utan EØS-avtalen. Det er ikkje rett. Noregs handel med EU-landa blir regulert etter frihandelsavtale frå 1973; ein svært god avtale for alle partar, som gjeld med eller utan EØS.
Tilsvarande avtalar sikrar handelen med land som seinare er blitt EU-land. EØS fører inn EU-reglar på visse område, men er ingen handelsavtale. Ein del av desse reglane er greie og kunne vi laga sjølv; andre er meir problematiske, slike som oljedirektivet og straumunionen.
