Kommentar
VARIERT: Musikken under Sing! Global 22-konferansen spenner over eit stort spekter frå moderne rytmer og groove til klassisk uttrykk.: N/A
Sing! 2022
Når heile verda syng i kor
Det hender at ein kan få ei «prøveerfaring» av dei bibelske bileta om at menneske frå alle folk skal prise Gud.
For min del kom ei slik erfaring i starten av september då eg var i Nashville. Under ein reportasjetur i USA som handla mest om andre ting, var det mogleg stikke innom den store kristne musikkonferansen Sing! Global 22. Det resulterte i ein reportasje i Dagen.
Men det er ikkje alle inntrykk som får plass i ein slik artikkel. Eit perspektiv eg har tenkt over etterpå, er kor mange forskjellige etniske og kulturelle bakgrunnar som var representerte. Når så mange kristne menneske syng saman, kan tankane gå til Openberringsboka og lovsongen til Jesus Kristus:
«Verdig er du til å ta imot boka og bryta segla på henne. For du vart slakta, og med ditt blod har du frikjøpt for Gud menneske av alle stammar og tungemål, av alle folk og folkeslag».
