Når dei trengjande utfordrar oss

I skrivande stund held eg auga med nyheiter om Omikron-viruset. Orda frå tidligare utviklingsminister Dag-Inge Ulstein vaknar: Pandemien er ikkje over før også dei fattige i Malawi har fått vaksinen. Situasjonen tvingar oss til å tenkje- og leve globalt, påminninga smakar ikkje godt i førjulsfesten.

«Dei fattige har de alltid hjå dykk,» sa Jesus. Han tala også om kva som skal møta oss på den siste dagen. Det grunnleggande i domsavgjerda er: «Alt de gjorde mot eit av dei minste syskena mine, det gjorde de mot meg.»

Ved oppstarten av nye misjonsprosjekt er diskusjonen ofte korleis ein best kan danna bærekraftige nasjonale kyrkjer som tek ansvar for dei sårbare i eigen kultur, samstundes med at det kan appellere til givarane.