| Kommentar
Litt kristen? Det funkar ikkje å gradbøya gudsforholdet
Denne teologien er like treffsikker som ein flaskepost.
GRADERT TRU: Med boka «Litt kristen» som kom tidlegare i år, brukar teolog Åste Dokka kreftene på å slå eit slag for tru utan vedkjenning.
Herman Frantzen
Sjå føre deg følgjande scenario: Du sit hos parterapeuten. Første konsultasjon er individuell. Din partnar er altså ikkje i same rommet. Etter at du har lagt ut om utfordringar med opplevd avstand, kjensle av slokna intimitet og manglande prioritering, ser terapeuten opp og smiler forsiktig, men løysingsorientert. Så kjem det. «Kan du ikkje berre slå deg til ro med at du er litt gift?»
Brått har terapeuten plassert seg heilt i nedrykksstriden. «Litt gift» er det minst konstruktive alternativet for den som ønskjer å få samlivet på sporet att.
Gift- giftare-giftast. Mogleg ein slik sprø grammatikk gir deg indre bilete av ulike par i omgangskretsen din. Men å gradbøya eit absolutt er berre forvirrande.
