Kyrkjevalet: Kva betyr det å vera samlande?

Nyleg slapp Bønnelista nyheita om at dei ønskjer Ingjerd Breian Hedberg som kandidat til vervet som Kyrkjerådsleiar når Kristin Gunleiksrud Raaum i mars går av etter å ha hatt vervet sidan 2016.

Det er kanskje ikkje overraskande at ein på konservativ side ikkje oppfattar Gard Realf Sandaker-Nielsen som ein kandidat som er samlande nok for eit slikt toppleiarverv i Den norske kyrkja. Han blir mellom anna omtalt som «aktivist» av leiaren i Frimodig kirke i eit Dagen-oppslag sist helg.

Same Dagen-sak kunne fortelja at tre av fire lister ved haustens kyrkjeval ønskjer ein annan kandidat enn nettopp Sandaker-Nielsen, som Åpen Folkekirke alt i mars peikte på som sin føretrekte kandidat.