| Kommentar
Kvinneidrett: Aftenpostens forsvar er like tynt som Sweeneys antrekk
PÅKLEDD: modell Sydney Sweeney møter kritikk i Aftenposten for eit avkledd reklamestunt. Men er det smaklause nakenstunt som er det verkelege trugsmålet mot kvinneidrett i dag? Her frå eit langt meir påkledd oppdrag i april.
Jordan Strauss
«Idretten må beskytte kvinnene bedre» utbasunerer Aftenposten på leiarplass. Og følgjer opp med at «raseriet er på sin plass».
Den aktuelle, for så vidt også verdsvide, raseriet er denne gong utløyst av modell Sydney Sweeney. Hennar rolle ein reklamefilm for sportsappen Novig har vekt sterke reaksjonar. Ho stiller opp nærast naken i reklamen for eit idrettsrelatert produkt der ho sjølv er medeigar. Kva gjer slikt med kvinneidretten?
Dei av oss som har følgt vilkåra for kvinneidrett i seinare tid, med kritisk blikk på inntoget av progressiv kjønnsideologi, kan ikkje anna enn å smila oppgitt over Aftenpostens plutselege bråsinne.
