Kvar vart det av det verdiforankra sentrum?

Kristendemokratiet handlar om meir enn regjeringsmakt og politiske alliansar. Det handlar om kva slags samfunn vi ønskjer å byggje, og kva verdiar som skal vere styrande for politikken.

Eg har gjennom mange år hatt eit sterkt engasjement for kristendemokratisk politikk. Eg var aktiv i KrF, hadde ulike tillitsverv og var 2. nestleiar i Sogn og Fjordane KrF. Eg fekk også tillit som 3. vararepresentant til Stortinget i perioden 2017–2021.

I november 2017 vart eg intervjua i Dagen som leiar for det største KrF-lokallaget i Sogn og Fjordane. Eg var då positiv til KrF si vippeposisjon i Stortinget og moglegheita til å påverke politikken frå sentrum.