Meninger
ALL IN: Persok-apostlane gav opp alt, følgde Jesus inn i martyrdøden og vart den kristne kyrkja sin grunnvoll. Her frå festivalen The Send i Telenor Arena sist laurdag.
Gerd Vårin Emmerhoff-Sæther
Kva er Persok? Minnedag for apostlane
Denne veka feira vi Persok, minnedag for apostlane Peter og Paulus.
Få dagar før Persok, føregjekk ein merkbar kulturkollisjon i hovudstaden. På Fornebu kom ungdomar saman til arrangementet «The Send» under slagordet «All in for Jesus». I Oslos gater feira samstundes Pride ein festival (delvis utsett på grunn av terroriståtak) med fokus på at ’alt er love’.
Persok-apostlane gav opp alt, følgde Jesus inn i martyrdøden og vart den kristne kyrkja sin grunnvoll. Apostelen som var utdanna ved Gamaliels føter, brukte ikkje livet sitt i eit bibliotek, men reiste, forkynte og skreiv epistlar for å halde kyrkjelydane på vegen. Paulus rekna som si oppgåve å forkynne evangeliet så folkeslaga kan verta eit offer til hugnad for Gud.
