| Kommentar
Kulturtoppens uventa kristen-konspirasjon
Ein oppvekst i ei vekkingsbygd er ikkje alltid eit fortrinn når ein skal skriva om tru. Det demonstrerte Hilde Sandvik nyleg i Aftenposten.
KULTURFJES: Hilde Sandvik er eit kjent andlet i Kultur-Noreg. Når ho nyleg skreiv om religion og makt i Aftenposten, gjekk det over stokk og stein, meiner Dagen-kommentator Sofie Braut.
Helge Skodvin / NPK
I eit langt innlegg skreiv Hilde Sandvik, sjefredaktør, podkastar og tidlegare kulturredaktør for nokre dagar sidan om alt som er gale i verda. Ifølgje denne analysen er nesten alt som i dag er gale i verda, eit felles utspring og opphav. Religion.
Eit nødvendig oppgjer
Men først: Oppgjeret hennar med religiøs maktbruk er nødvendig. Det er berre det at analysen er grovt skjemt av usle skuldingar, upresis omgrepsbruk og utilstrekkelege parallellar. Det som står att er mistenkjeleggjering. Ein tirade mot tru i alle former. Det duger ikkje.
