| Kommentar
Kristen tru – eit produkt av fråverande kritisk sans?
Det avgjerande spørsmålet glimrar med sitt fråvær i engasjerande podkast om brot med kristentrua
ENGASJERER: Gunhild Garcia de Presno har laga ein ærleg podkast om det å bryta opp frå kristen tru. Nokre av premissane treng likevel meir motstand.
David Einan
Eg har lytta til den første episoden av Gunhild Garcia de Presnos ferske podkast «Veien ut – å forlate en tro». Podkasten engasjerer meg sterkt og vekkjer mange spørsmål.
Kanskje i endå større grad sender han meg ut på ei indre reise, blant alle minna der eg sjølv har stått ved fleire krossvegar og teke val når det gjeld trua.
Kvifor vel ein så ulikt? Kvifor fekk ikkje min eigen eksistensielle desperasjon, til dømes då eg var 17 eller 21, liknande konsekvensane som for Garcia de Presno? Kvifor endar ein opp på så ulik plass?
