KrF er garantist for ei svekking av folkekyrkja

Folkekyrkja har ei stor rolle og betydning i samfunnet vårt i både sorg og glede. Den skaper rammer rundt våre liv, og er den vi søker til ved mange livshendingar. Folkekyrkja opnar dørene sine for lokalsamfunn i kriser og ved ulykker. I eit tid med meir utryggheit er folkekyrkja viktigare enn nokon gong. Kyrkjebygga er også verdifulle kulturminne i bygd og by, som gir identitet og tilhøyrigheit. 

Difor er det trist at valkampen ikkje har handla om korleis partia vil prioritere folkekyrkja framover. Men dette er situasjonen:

Frp vil kutte all finansiering til trussamfunn, og fjerne all støtte til drift av Den norske kyrkja. Dei meiner at tru er ei privatsak og at ein må betale for gudstenestene sjølv, også ved gravferder.