| Debatt
Korleis kan kristne bruke KI til noko godt?
UTFORDRING: Det er ei sanning at kvar teknologisk framgang har vore utfordrande, Marius Sørensen.
Privat
Eg har notert meg debattane som har gått rundt KI (kunstig intelligens) i norsk media.
Spesielt siktar eg til debatten der Nikolai Tangen og Oscar Westerlin har fått mykje fokus,
blant anna hos nrk.no (debatten). Det finst også fleire artiklar ein kan lese seg opp på.
Mitt skriv her skal ikkje ta for seg den debatten, men eg vil løfte blikket og sjå på KI i ein
kristen kontekst. Først vil eg ha ein liten “disclaimer”: eg er ikkje teolog, eg er teknolog.
Utgangspunktet mitt er derfor ikkje ein teologisk analyse av KI og kristen tru.
Det eg vil skrive om, er korleis mange kristne i Noreg etter mi meining har ein negativ
haldning til KI, og at det altfor ofte er dette negative synet som kjem fram i media. I staden
for å sjå korleis me faktisk kan bruke teknologien til godt.
