| I Fokus
Katolsk tru og tradisjon har igjen ei dragande kraft på folk
TRU OG TRADISJON: I dag har katolsk tru og tradisjon igjen ei dragande kraft på folk her til lands, skriver Otto Mikael Myrseth (bilete).
Odd Mehus
Sigrid Undset forklarte kvifor Gud kunne bruke vikingen Olav Haraldson som reiskap til kristning av Noreg med at «Olav den Hellige var sædkornet som ble valgt til at legges i Norges jord, fordi det passet til jordsmonnet og været her».
Etter den tid har vårt land vore gjennom både ein katolsk og ein luthersk 500-årsperiode før sekulariseringa truga med å slette alle spor av Gud i kulturen vår.
I dag har katolsk tru og tradisjon igjen ei dragande kraft på folk her til lands. Mange har teke steget over frå luthersk folkekyrkje til katolsk «fri»-kyrkje. Truande som tek vare på det beste i luthersk tradisjon, har med seg verdiar som kan byggje katolsk identitet.
