Johannes Kleppa 70 år: «Eg vart ikkje berre glad då han fekk jobben»

12. mai, på sjølve nynorskdagen, fyller Johannes Kleppa 70 år. Det er det grunn til å feire. Johannes Kleppa er ein truande, tenkjande og skrivande mann, og både eg og mange med meg har mykje å takke han for.

Kleppa er velsigna ærleg og skvær, og slik sett ein det er fint å vere usamd med. Men han er også ein markant personlegdom, og har sjølv meir enn ein gong spøkt med at han er fødd 100 år for seint.

Eg byrja som frilansjournalist her i avisa like før Johannes Kleppa vart redaktør i 2000. Den gongen var eg ikkje berre glad for at det var han som fekk jobben. Det Dagen trong, var ein utvida horisont. Kleppa stod for det motsette, meinte eg. Rett nok hadde eg bedehusbakgrunn, men eg kjende meg nærare den karismatiske rørsla.