| Debatt
Indisk feiring bør uroa verda
Indias statsminister Narendra Modi lanserte den 1. oktober ein minnemynt for organisasjonen Rashtriya Swayamsevak Sangh (RSS). Bodskapen var tydeleg: Staten heidrar ein organisasjon som lenge har ønskt å gjera India til ein nasjon eksklusiv for hinduar.
MINNEMYNT: Indias statsminister Narendra Modi (foto) lanserte den 1. oktober ein minnemynt for organisasjonen RSS, skriv Johannes Morken.
Leon Neal / AP / NTB
Modi lanserte både eit frimerke og denne minnemynten til 100-årsjubileet for RSS. Dette er den største frivillige paramilitære rørsla i verda. RSS vart grunnlagt i 1925 og organiserer daglege treningsgrupper (shakhaer) for millionar av menn. Fysisk disiplin, hinduistisk stoltheit og lojalitet til ein religiøst definert hinduistisk nasjon vert dyrka.
Det RSS-leia nettverket Sangh Parivar omfattar politikk, utdanning, media og næringsliv. BJP som har vore Indias regjeringsparti sidan 2014, er den politiske armen i RSS-familien. I dag blir India i stor grad styrt av personar med bakgrunn derifrå, statsminister Modi er ein av desse. For å forstå indisk politikk må vi forstå RSS.
Fascistiske røter
