Indikator på jødehat i Europa

Sommaren er festivaltid i alle miljø. I helga vart ein av dei verkeleg store europeiske musikkfestivalane avrunda, nemleg Glastonbury-festivalen i sør i Storbritannia. 

Festivalen, som for det meste har blitt arrangert årleg sidan 1970, trekkjer hundretusenvis av musikkglade menneske. Billettane vert rivne bort lynkjapt; lenge før nokon veit kven som skal opptre. Den politiske profilen kan gjerne oppsummerast som «alternativ» og godt ute på venstresida. 

Det skal gjerne vera høgt under meiningstaket, og «peace and love»-vibbane ligg tjukt over dei gedigne jordbruksslettene som kvart år husar den midlertidige byen med dei mange scenane og romma for kunst og kultur.