India dumpa flyktningar på havet

India har deportert forsvarslause rohingyaer, kasta dei ut på havet og tvinga dei til å symja «heim» til det brutale diktaturet i Myanmar.

USAs president Donald Trump er ikkje åleine om rettslaus deportasjon av flyktningar og immigrantar. Indias hindunasjonalististiske statsminister Narendra Modi har brukt vårens nyoppblussa konflikt med Pakistan til å trappa opp ein kampanje for å undertrykkja muslimar.

Det har gått hardt ut over dei statslause og hovudsakeleg muslimske rohingyane som enten har flykta eller er blitt nådelaust fordrivne frå Myanmar av den buddhistisk-orienterte militærjuntaen.