| Kommentar
I pride-universet er du skuldig til det motsette er bevist
Rettsstatens kjerneprinsipp er at du er uskuldig til det motsette er bevist. I ny pride-video blir dette reversert.
EIT LASS MED EFFEKTAR: Juni er her, og pride skal ut til folket. Å spela på frykt for å sprita opp salet, er blitt innafor.
Tuva Åserud / NTB
I ein video frå Oslo pride som sirkulerer heftig for å fremja pride som merkevare og selja små reklameeffektar, såkalla merch, får vi ein kjensleladd gjennomgang av ulike situasjonar der menneske kjenner seg truga på grunn av seksuell legning.
Videoen, som på kort tid er sett av millionar i inn- og utland, og er sagt «å vise hva pride handler om», tek oss med inn i den skeives blikk på verda. Her er frykt og tryggleik dei sentrale komponentane.
Plottet er enkelt og episodisk. Kvar sekvens har skeive, sympatiske, hovudpersonar. Så skjer det ein komplikasjon der vedkommande brått oppfattar seg truga i ein kvardagssituasjon.
