Synspunkt
UKRAINA: En kvinne ber under en gudstjeneste i St. Volodymyr-katedralen i Kyiv 6. mars.
Vadim Ghirda/AP/NTB
I omlag 65 år har eg vore vitne til dette endetidshysteriet
Kvar gong det er ei krise eller ei katastrofe kjem dei pessimistiske profetiekspertane på banen.
Etter mange år med fred rasar krigen på ny i Europa. Russland har gått til ein brutal krig mot Ukraina. Forferdelege bilete om bombing og øydelegging fyller skjermane våre.
Vi ser hjarteskjerande scener frå folk som flyktar frå krigen. Barn blir skilde frå foreldre og mange sivile blir drepne i krigshandlingane. Vi er alle forferda over at dette kunne henda i vår tid.
Endetidsprofetane kjem på ny på banen. Gamle profetiar om krig og undergang blir på ny trekt fram. Vi høyrer at krigen i Ukraina kan vera opptakten til det store slaget ved Harmageddon i Israel.
