I bryllaupsgåve fekk vi ei bok som nyleg vart bannlyst. Både i BT og Aftenposten

I noko som likna eit verbalt synkronstup, gjekk både Frank Rossavik sist fredag i Aftenposten og Stig Arild Pettersen laurdag morgon i BT til åtak på ein over 80 år gammal forfattar som eg gjettar på at svært mange Dagen-lesarar kjenner til.

Klassikar

Eg måtte beintfram plukka den småslitne pocketutgåva ned frå hylla. Det er lenge sidan sist. Eit handlaga bryllaupskort i grøn papp fall ut. «Til Sofie og Håvard på den store dagen, og lukke til med ekteskapet». Datert den 15. april 2000. Helsingar og bibelvers frå Johanna og Ingrid. Ei velvalt venegåve i verda av i går.