Hunger og dyrking av det jordiske

Berre ein tynn membran skil gudsdyrking frå avgudsdyrking. Jesus har hjartevarm medkjensle med dei svoltne tilhøyrarane i øydemarka. Han set bøna om dagleg brød midt i Fadervår og gjer eit måltid til sjølve sentralpunktet i det kristne livet. Likevel har menneska igjen og igjen dyrka skapningen i staden for Skaparen.

Både dyr og menneske må ete for å leve. Ein filosof har definert mennesket som «hunger». Hamsun skapte eit europeisk storverk med si skildring av «Sult».

I menneskelivet er hungeren meir enn det kroppslege. Der er ein lengt i mennesket etter meining og samanheng, etter kjærleik og å høyre til.