| Debatt
Her veks kyrkja midt i terror
Terroristane i Nigeria brenner kyrkjebygg og jagar prestar og kristne på flukt. Men midt i dødeleg terror kjem likevel nye til kristen tru. Det skjer i løyndom i flyktningleirar.
FORFØLGING I NIGERIA: T.v.: Ein pastor ved ei massegrav etter ein massakre i ein kristen landsby. T.h.: Ei øydelagt, nedbrend kyrkje i Bokkos-området i Plateau-staten.
Redeemed College of Mission / Steven Kefas
Tusenvis av kristne i Nigeria er drepne av islamistiske terroristar eller ekstreme grupper med ein dødeleg agenda. Tilbake står øydelagde eller tomme kyrkjer, svekte kyrkjelydar, avbrote misjonsarbeid, brende landsbyar og store traume.
Men innimellom finn vi paradoksa: Nokre stader, i leirar for menneske som er drivne på flukt, veks kyrkja under forfølginga.
Søndag markerer mange kyrkjer verda over «Søndag for dei forfølgde». Lidingssoga til nigerianske kristne bør liggja tungt over oss som forteljing og som utfordring til å be og engasjera oss.
