| Leder
Heia lagsjentene på Bogafjell skule
INITIATIV: Ungdomsskuleelevane Karen Sofie Sande Fisketjøn, Hannah Riveland og Ida Marie Vårdal får ikkje lov til å starte skulelag ved Bogafjell ungdomsskule i Sandnes.
Foto: Helene Reite Uglem
I dag skriv vi om tre 15-åringar på Bogafjell i Rogaland som har teke initiativ til å starta skolelag ved ungdomsskolen sin. Dei tre har teke på seg oppgåver og ansvar og har lyst til å skapa eit møtepunkt for elevane på eigen skole.
Den som har lese reportasjen om dei tre, har alt notert seg dette er tre unge kvinner med tak i. Dei ønskjer å starta opp eit tilbod. Dei kjenner til at skulen har sine utfordringar, slik mange ungdomsskular har, med elevmiljø og grupperingar. Deira ønskje om å bidra, er førebiletleg.
Problemet her, som fleire plassar rundt i vårt livssynsopne samfunn, er at dei møter ei stengd dør. Dei blir ikkje invitert til å vera ein del av løysinga på miljøproblematikken.
