Gudsfrykt

Gjennom heile Skrifta er gudsfrykt mennesket si grunnhaldning. Men moderne kristendom er blitt skremmande fryktlaus. «Casual» seier engelskmenn. Når forkynning er blitt motivasjonstale, omgang med Guds namn blitt lettsindig, Skrifta blitt underlagt tidsånda og heilagdom gjort til noko vi kontrollerer.

Då er vi langt unna den visdom Salomo talar om, den som startar med gudsfrykt. Også om Jesus står det at han vart bønhøyrd fordi han var gudfryktig (Hebr 5,7).

Opplysningstida sine filosofar skapte ein fornuftig, fjern og abstrakt gud. Gud var ikkje lenger den brennande eld fedrane frykta, men ein fjern startmotor for eit skaparverk vi fekk i oppgåve å vidareutvikle. Seinare gjorde «trøyste-og-bere»-teologien sitt inntog.