| Debatt
Grunnlovfest norsk språk!
NOREGS LOVER: Språket er den viktigaste fellesarenaen vi har for demokrati, samtale og deltaking. Difor høyrer det heime i grunnlova, skriv Peder Lofnes Hauge og Trond Vernegg.
Gorm Kallestad / NTB
Engelsk trugar språket vårt. Det er på høg tid å grunnlovfeste norsk som nasjonalt hovudspråk i Noreg.
På fleire område i det norske samfunnet pressar engelsk seg på. I akademia er engelsk snart det sjølvsagde språket for forsking, masteroppgåver og undervisning, og fagterminologien på norsk blir ikkje utvikla når ingen brukar han.
I næringslivet er engelsk både arbeidsspråk og reklamespråk – for ikkje å snakke om alle fjonge stillingstitlar. Born og unge veks opp med strøymetenester, spel og sosiale medium der engelsk er standardspråket, og mange opplever at engelsk er språket for det som er moderne, morosamt og viktig.