Geniale Halvorsen vil garantert gå i pluss sjølv om han kløyver alt i to 

Av og til dukkar ei bok opp av ingenting og tek totalt innersvingen på meg.

Etter å ha lese og ledd meg gjennom dei 29 illustrerte sidene i boka «Halvorsen», om ein kar som vinn innsikt på sjeldan originalt og fartsfylt vis, er eg overtydd om at barn og andre leseglade i Noreg treng meir av Halvorsen. 

Biletboka kom ut i fjor, på nyetablerte Funn forlag. Hovudpersonen liknar utsjånadsmessig ein miks av ein gammal viking og ein slags heilårs julenisse, han gjer eit absolutt herleg førsteinntrykk heilt frå den spretne spagaten på omslaget.