Flest menn døyr av alkoholrelaterte årsaker

Det mest brukte rusmiddelet i samfunnet vårt er alkohol. Ofte vert det sett fram alkohol ved festar og sosiale tilstellingar. Samstundes er alkoholbruken også årsaka til store folkehelseproblem. I eit folkehelseperspektiv er effektive tiltak som avgrensar bruken difor viktig. På verdsbasis døyr over tre millionar menneske kvart år av årsaker knytt til alkohol. Tre av fire av dei som døyr av alkoholrelaterte årsaker, er menn. Det viser ein rapport frå Verdas helseorganisasjon (WHO) frå 2018.

Alkoholbruk er ein av dei viktigaste risikofaktorane for tap av friske leveår, og er i tillegg årsak til sosiale problem og skadar for andre enn brukaren sjølv. Både eit høgt alkoholinntak per gong og eit høgt alkoholinntak over tid aukar risikoen for ei lang rekke helseproblem og sosiale problem.

Redusert forbruk viktig