Er uttrykket «kristent land» farleg?

I ein heftig lest og spreidd kommentar i Dagsavisen, etterlyser forfattar og tidlegare Vårt Land-redaktør Helge Simonnes fleire kritiske merknader i samband med markeringa av kristenrettsjubileet som nyleg gjekk av stabelen på Moster.

Simonnes’ tittel «Et kristent land?» utgjer likevel eit merkeleg korrektiv til tusenårsmarkeringa for innføringa av kristenretten her til lands.

Simonnes’ syrlege salve mot det han kallar «den rørende enigheten mellom de fremste representantene for stat, kongehus og kirke» handlar om at det er for få «kritiske innspill om retorikken om Norge som et kristent land».