| Leder
Eit skilje mellom valflesk og varig vekt
Å tala jødars sak i Noreg i 2025 kjem med konsekvensar som skil seg frå dei fleste andre saker.
PODKASTVERT: Jødiske Henrik Beckheim får truleg både valflesk og ekte vare over bordet i studio. Men noko varer når valkampen er over.
Hans Christian Bergsjø
På randa av eit val puffar partia opp pelsen og pudrar parykken etter beste evne, stadig meir intenst ettersom valdagen nærmar seg.
No viser det seg at rekordmange har førehandsstemt dette året, og dermed kan partia sine siste, meir eller mindre desperate utfall ha mindre å bety når alt skal teljast opp.
Likevel er alle samde om at ein må nytta kvar vesle flik av ledig tid og kraft til å støvsuga veljar-marknaden. Venstres Sveinung Rotevatn fortel til dømes TV2 at han personleg bankar på 30 dører kvar kveld.
