Eit rom til høgre for KrF

KrF har tatt ein konservativ sving – og ditto sving bort frå woke og progressivt tullball. Det fanst ikkje nok veljarar for KrFs verdipolitikk som venstresida og media likte. Men med ein verdipolitikk til høgre for sentrum kan dei finne både veljarar så vel som alliansar.

Kanskje ligg fleirtalet av dei tillitsvalde, aktivistar og tilsette i KrF framleis nærare Knut Arild Hareide enn Dag Inge Ulstein. Men framgang for KrF i dette valet vil gi eit signal om at KrF si framtid ligg til høgre for sentrum, og med føtene tydeleg i kristen tradisjon.

Det tema som løfta Dag Inge Ulstein var Israel. Truleg utløyste det noko som var i emning. Ulstein var plutseleg den fremste og sterkaste forsvararen av Israel, ved sidan av Frp. Raseriet som då kom, gjorde KrF til eit samlingsmerke. Dette gjer seg godt i ein valkamp.