Eit auto-svar frå preses er ganske enkelt ikkje nok når det kjem brev frå framtida

Sist veke fekk Dagen inn eit innlegg med heile 18 unge underskrivarar som uroa seg for kva framtidsutsikter dei har i Den norske kyrkja. Dette er ikkje kvardagskost, for å seia det mildt.

Unge folk har ikkje for vane å bry seg så veldig om kyrkja. Langt mindre brukar dei å gjera koplingar mellom kyrkja og si eiga framtid. Eit c-moment ved brevet frå dei 18, er dessutan det større implisitte spørsmålet: Korleis ser i grunn framtida ut for kyrkja?

Det er fort gjort å gløyma kva ressurs 18 potensielle prestar representerer for ei kyrkje med ei rekrutteringskrise av Dnk-format. Underskrivarane er i seg sjølv eit mogleg tilskot til skrinne bemanningsrekker, men det er langt frå sikkert. Unge folk har slett ikkje alltid planen klar og kursen parat.