| Leder
Ei merkeleg motstandsrørsle
Skjer det faktisk noko når «hele Rogaland ber»?
BØN: Frå bønesamlinga ved Sola i Rogaland tysdag
Helene Reite Uglem
Tysdag kveld sto eg saman med eit femtitals andre hutrande på ein høgde utanfor Bryne. Pastorar frå ulike lokale kyrkjelydar geleida oss gjennom ulike bønnebolkar for området vi såg ut over frå høgdedraget der vi var samla.
På typisk småbrydd, norsk vis, stimlar vi saman i smågrupper og helser kjapt på ukjende søsken i trua. Så ber vi. For barna, for bøndene og byfolket. For næringsliv, nasjonale leiarar og om fleire nyomvende. For folk som klatrar og folk som kjenner seg knuste. Ikkje minst stig det opp mange bøner om einskap.
Samlinga er berre ein liten bit av eit større bønneinitiativ denne veka, i regi av Utsendt, som kallar seg «en enhetsbevegelse i Rogaland». Neste år skal alt oppskalerast til ei nasjonal bønesatsing. Planen er døgnkontinuerleg bøn for landet i heile 2026.
