| Leder
Eg seier «Gud velsigne Noreg!» Er eg dermed kristennasjonalist?
Å uttrykkja kjærleik til røtene våre har blitt suspekt. Kva gjer det med oss?
FEIRA: Vi viftar med flagget på Grunnlovsdagen, men er det innafor å be Gud velsigna Noreg?
Annika Byrde / NTB
Kristennasjonalisme og kulturkrig kringset oss om dagen. Heile tematikken liknar ein ullen horde av ord og uttrykk. Som Sauen Shauns komisk forvirra flokk skvett dei til kvar sin kant ved kvart minste oppskrik. Kva betyr det, alt saman?
Brotstykke av ein polarisert, amerikansk post-Kirk politikk med Trump-fragmentarisk retorikk. Sleng på ein rapport frå det ugreie Ungarn og ein dæsj mistenkjeleg italiensk Meloni.
Miksen gir eit skummelt smussomslag som enkelt kan festast på folk, også her i Noreg.
