| Leder
Eg lærte lovprising på ein fotballtribune
Dette er eit ærleg spørsmål: Er det eigentleg mogleg å bøya kne og løfta hender «i hjarta»?
LOVPRISING: Mynte Neteland (1,5) engasjerte seg under lovsongen på LED-konferansen tidlegare i år. Vi kan truleg læra litt av henne.
Odd Mehus
Som ivrig lesar av Bibelens salmar, har eg meir enn ein gong kjent meg litt kulturelt krøpla.
Å vera nordmann og dessutan oppvaksen i det vittige tunger fort karakteriserer som eit «hands down-miljø» i Ryfylke, djupt rotfest på ein av Noregs minst pinsekarismatiske plassar, er å ha eit litt avgrensa lovprisings-uttrykk tilgjengeleg.
Vi svinga absolutt nokre palmesøndagsgreiner, og det var vel tilløp til rørsler i utvalde barnesongar. Men elles heldt vi oss innanfor kvart vårt tilmålte rektangel.
