| Frispark
Dropp sjampanjen på 17. mai-frukosten!
17. MAI: Er du villig til å ofre sjampanjefrukosten og annan alkoholbruk på 17. mai, spør Kjersti Toppe.
Beate Oma Dahle / NTB / NPK
Ein rådgjevar på Stortinget har mista jobben og medlemskapet i partiet sitt på grunn av klart rasistiske ytringar som han sa til ein journalist i fylla. Fleire framtredande stortingspolitikarar har både sagt og gjort dumme og ulovlege ting i alkoholrus, og stått fram med sitt alkoholproblem.
Neste torsdag skal Stortinget behandle ei sak der regjeringa føreslår døgnskjenking av alkohol under fotball-VM for herrar. Fordi, som statsministeren sjølv har sagt det: «Vi må kunne drikke øl til fløyten går».
Statsministeren lovar at alle skal kunne drikke øl heilt til ekstraomgangar og straffespark er over i fotball-VM -og ta ein øl til etter det. (NRK 17. 12.2025). Assosiasjonane går til det kjende diktet frå Olav H.Hauge: «Eg er ein båt utan vind. Du var vinden. Var den den leidi eg skulle? Kven spør etter leidi når ein har slik ein vind».
