| Leder
Det som blir viktigare enn «konservativ» og «liberal»
Når Arsenal-stjerna vitnar om han «tilhøyrer Jesus», skjer noko heilt avgjerande.
HØYRER TIL: Arsenals Gabriel Jesus skreller av drakta og fortel det viktigaste.
Alastair Grant / AP / NTB
Fjorårets siste kamp mellom to av topplaga i engelsk fotball, Arsenal og Aston Villa gjekk ikkje som eg hadde håpa. Villa har vore mitt lag frå eg var 13, men hos tabell-leiarane frå London fekk dei ei barsk realitetsorientering.
Før eg rakk å bli ordentleg gretten, entra Arsenals variable stjernespiss med det søndagsskulemetta namnet Gabriel Jesus, banen. Brasilianarens første ballberøring i det 78. minuttet vart eksplosiv. Mål på vakraste vis.
Det som så skjer, er eit utbrot av total fotball-lykke spontant kombinert med ein manøver som plasserte fotball og prestasjon på sidelinja.
