Det skal lønna seg å få barn

Tida er kommen for heilhjarta politikk for å frigjera oss frå førestillinga om at barn er noko vi først vurderer når alt anna er på plass.

Vi veit godt at det kostar å få barn. Vanlege overslag frå Forbruksforskningsinstituttet SIFO, syner at ein rundt rekna må ut med 1, 4 millionar frå barnet er 0–18 år. Det er sjølvsagt mange usikkerheitsmoment ved slike utrekningar, men utgiftene er mange.

For tida er dei dessutan stigande. Dyrtida vi er inne i, overraskar ingen i så måte. Det er ikkje rart at økonomi står som ein avgjerande faktor når folk i fruktbar alder vurderer om dei er klare til å fostra opp ein ny verdsborgar.