| Kommentar
Det flauaste var likevel at Spermageddon-regissøren ikkje kom seg over kulen
Sjeldan har eg hoppa etter Wirkola med så låge skuldrer.
SIKKERT KUL, MEN MANGLAR KULTUR: Filmregissør Tommy Wirkola kunne teke ein viktig debatt om Spermageddon, men nøydde seg med å vera nedlatande.
Terje Pedersen / NTB
Eg og nokre tusen andre vaksne som på småbarns vegner har reagert på den låge aldersgrensa på filmen «Spermageddon», som nyleg hadde premiere på norske kinoar, bør kanskje vera takksame. Filmskapar Tommy Wirkola kunne jo ha ignorert oss «surmaga, sinte og lettkrenka».
Men i ei tid der vi er einige om at peiking og latterleggjering av andre perspektiv er ein uting, er det underleg at kultureliten, ved filmskapar Wirkola, faktisk heller ikkje hadde noko anna å gi engasjerte foreldre enn eitpar nedlatande ukvemsord.
Ein viktig samtale forsvinn dermed på grunn av ein filmskapar som sikkert kan mykje betre enn slik trumping.
